केजचे इरिगेशन ऑफिस बनले आंबट शौकीनाचे माहेर घर ; अंधार पडताच रात्रीस खेळ चाले.

वादळवार्ता वार्तांकन – शाहेद खतीब

केज शहरात मध्यानात असलेले इरिगेशन ऑफिस सुमारे पाच सहा एकरातील जागेमध्ये आहे . ऑफीसमध्ये कर्मचारी केव्हांही आरामात येतात काम करतात निघुन जातात . या ऑफीसच्या चारही दिशाने मोठ्या प्रमाणात वस्ती आहे परंतु या ऑफीसच्या बाजुने पथदिवे नसल्या कारणाने येथे दिवसभरापासून ते रात्रीपर्यंत आंबट शौकिनांची मोठी गर्दी असते . जसा अंधार पडेल तशी गर्दी वाढत जाते . वसाहतीतील नागरीक या आंबट शौकीनाना वैतागले आहेत .

इरिगेशन ऑफिसला चांगले कंपाउंड होते. मात्र कालांतरांचे ते पडले असून ते बांधण्याचे कोणताही अधिकारी मनावर घेत नसल्याचे दिसते. सध्या येथे मुख्य कार्यालयात भोवती अंधार असतो

याचाच फायदा घेऊन येथे नको ते उद्योग चालतात. तरुण वर्ग गटागटाणे बसून मोठ्या आवाजात मोबाईल लावणे, मोबाईलवर गेम लावणे सिगारेट पिणे, दारू पीणे मोठमोठ्याने ओरडने अश्लिल शब्द वापरने, अश्लिल शिव्या देणे असे उद्योग सध्या सुर आहेत. तसेच या ठिकाणी वराहाचाही मोठ्या प्रमाणात वावर असतो. पाऊस आल्यानंतरही पत्र्याच्या शेडमध्ये सर्व व्यवस्थित कार्यक्रम चालू असतात.

या ठिकाणी फक्त ऑफिस पासून सुमारे दोनशे फुटावर नगरपंचायतच्या खांबावर लाईट दिसून येते तिही मंद असते

या ठिकाणी आमचे प्रतिनिधी तीन-चार वेळेस जाऊन आले तरी तेथे सुरक्षा रक्षक आढळून आलेला नाही.

तरी सदरील ऑफिस मध्ये तात्काक सुरक्षा रक्षक नेमून सर्वत्र लाईटची व्यवस्था करावी जेणेकरून हे सर्व थांबेल अशी मागणी जनतेतून होत आहे.