केज । प्रतिनिधी
केज तालुक्यात शिक्षण क्षेत्रात सकारात्मक बदल घडवणारे व्यक्तिमत्त्व म्हणून गट शिक्षणाधिकारी लक्ष्मण बेडसकर यांची विशेष दखल घेतली जात आहे. त्यांच्या कार्यकुशलतेमुळे व दूरदृष्टीमुळे तालुक्यातील अनेक शाळांमध्ये गुणवत्ता सुधारली असून, ग्रामीण भागातील विद्यार्थीही आता नव्या उमेदीनं शिक्षणाकडे वळले आहेत.बेडसकर सर यांनी शाळांची नियमित पाहणी, शिक्षकांच्या कामकाजात पारदर्शकता, शैक्षणिक उपक्रमांमध्ये नवोन्मेष व विद्यार्थ्यांमध्ये गुणवत्ता वाढवण्यासाठी विविध उपक्रम हाती घेतले आहेत. विशेष म्हणजे, ‘एकही विद्यार्थी शाळेबाहेर राहणार नाही’ या उद्दिष्टाने त्यांनी मोहीम राबवून अनेक विद्यार्थी शाळेत परत आणले आहेत.त्यांच्या मार्गदर्शनाखाली अनेक शाळांनी जिल्हास्तरीय व राज्यस्तरीय स्पर्धांमध्ये सहभाग नोंदवून यश मिळवलं आहे. डिजिटल शिक्षण, विज्ञान प्रयोगशाळा, ग्रंथालयांची उभारणी, स्वच्छता मोहीम, पालक बैठकांचे आयोजन अशा विविध माध्यमातून त्यांनी शैक्षणिक वातावरणात चैतन्य निर्माण केलं आहे.शिक्षण विभागातील कर्मचारी, शिक्षक व स्थानिक नागरिक यांच्यासोबत सकारात्मक संवाद साधून त्यांनी शैक्षणिक विकासाची गती वाढवली आहे. त्यांच्या अथक परिश्रमामुळे आज केज तालुक्यात ‘शिक्षणाची गंगा’ खऱ्या अर्थानं वाहू लागली आहे.
गट शिक्षणाधिकारी लक्ष्मण बेडसकर यांचे कार्य निश्चितच इतर तालुक्यांसाठी आदर्शवत ठरत आहे.
नमस्कार, वादळ वार्ता परिवारामध्ये आपले स्वागत. वादळ वार्ता च्या माध्यमातून सर्व वाचकांना विश्वसनीय व तत्पर बातम्या देण्याचा आमचा प्रयत्न आहे. प्रत्येक मताशी संपादक सहमत असेलच असे नाही. आपणही आपल्या परिसरातील बातम्यांसाठी व जाहिरातीसाठी 9422660077 या नंबरवर व्हाट्सएप तसेच कॉल करून संपर्क करू शकता......धन्यवाद....!
error: Content is protected !!
