केज | प्रतिनिधी
महावितरणच्या कर्तव्यदक्ष अधिकारी शितल सय्यद मॅडम यांच्या प्रभावी कार्यशैलीमुळे केज शहर तथा तालुक्यात वीजचोरीविरोधात मोठी कारवाई करण्यात येत असून, वीजचोरी करणाऱ्या ग्राहकांवर दंडात्मक कारवाई करत 20 लाख रुपयांहून अधिक शासकीय महसूल गोळा करण्यात आला आहे.
मागील महिन्यात 11 फेब्रुवारीपासून वसुलीची जबाबदारी पुन्हा सय्यद मॅडम व त्यांच्या टीमकडे सोपविण्यात आल्यानंतर फेब्रुवारी 2026 मध्ये आजपर्यंत केजमधील सर्वाधिक म्हणजे तब्बल 168% वसुली करण्यात यश आले आहे. ही कामगिरी विशेष उल्लेखनीय मानली जात आहे.
याचबरोबर, सय्यद मॅडम यांच्या मार्गदर्शनाखालील टीमने मागील महिन्यात 70 पेक्षा अधिक वीजचोरीच्या घटना उघडकीस आणल्या असून, या कारवाईमुळे महावितरण कंपनीसाठी 20 लाख रुपयांपेक्षा अधिक महसूल मिळवून दिला आहे.
सय्यद मॅडम यांनी कर्मचाऱ्यांना निर्भीडपणे कर्तव्य बजावण्याचे धडे देत सर्वांना सोबत घेत कार्य केले. त्यांच्या नेतृत्वामुळे अधिकारी व कर्मचाऱ्यांमध्ये नवचैतन्य निर्माण झाले असून, केज शहर व तालुक्यातून त्यांच्या कार्याचे सर्वत्र कौतुक होत आहे.
कर्तव्यदक्ष अधिकारी लाभल्यामुळे केज तालुक्यातील महावितरण विभागाची कामगिरी उंचावली असून, अधिकारी व कर्मचाऱ्यांचे सर्व स्तरातून अभिनंदन करण्यात येत आहे.
“केज शहरातील काही वीजचोरी करणारे ग्राहक दंडात्मक कारवाईमुळे मला व महावितरणच्या कर्मचाऱ्यांना धमक्या देत बदनाम करण्याचा प्रयत्न करत आहेत. मात्र अशा प्रकारांना न घाबरता महावितरण व केज पोलिसांच्या माध्यमातून संबंधितांवर कठोर कारवाई करण्यात येईल.”
शितल सय्यद मॅडम
शाखा अभियंता, महावितरण
नमस्कार, वादळ वार्ता परिवारामध्ये आपले स्वागत. वादळ वार्ता च्या माध्यमातून सर्व वाचकांना विश्वसनीय व तत्पर बातम्या देण्याचा आमचा प्रयत्न आहे. प्रत्येक मताशी संपादक सहमत असेलच असे नाही. आपणही आपल्या परिसरातील बातम्यांसाठी व जाहिरातीसाठी 9422660077 या नंबरवर व्हाट्सएप तसेच कॉल करून संपर्क करू शकता......धन्यवाद....!
error: Content is protected !!
