केज-बीड रोडवर कोरेगाव जवळ अपघात : दोघे ठार एक गंभीर
वादळवार्ता वार्तांकन – गौतम बचुटे
अपघातग्रस्तांना केली भाजपचे नंदकिशोर मुंदडा, प्राध्यापक डॉक्टर विजय ठोंबरे आणि भगवान केदार व बालाजी तांदळे यांनी मदत
केज बीड रोडवर एक मोटार सायकल आणि शाळेच्या गाडीचा अपघात होऊन त्यात मोटार सायकल वरील दोन ठार तर एक गंभीर जखमी झाले आहेत.
केज-बीड रोडवरील कोरेगाव जवळ शनिवार दि. २४ सप्टेंबर रोजी दुपारी २:०० वा. च्या दरम्यान बन्सल क्लासेसच्या रस्त्यात उभ्या असलेल्या गाडी क्र. (एम एच-४४ /९९९६) ला मोटार सायकलीने क्र. ( एम एच -१३/बी जे ८५७४) ने जोराची धडक दिली. यात मोटार सायकलवरील सुनील मधुकर शिंदे वय (२५ वर्ष) रा. पिंपळगाव ता. केज हा उपचारासाठी घेऊन जात असताना मृत्यू पावला तर दिपक कल्याण पवार वय (२० वर्ष) हा आंबवजोगाई येथे गेल्या नंतर मयत झाला. भागवत कल्याण पवार वय (२२ वर्ष) रा. कोरेगाव ता. केज यांच्या डोक्याला व छातीला मार लागला असल्याने गंभीर जखमी झाला आहे.
दरम्यान या रस्त्याने प्रवास करीत असलेले स्व लोकनेते गोपीनाथ मुंडे सहकारी सुतगिरणीचे चेअरमन प्रा. डॉ विजयकुमार ठोंबरे, भाजपचे जेष्ठ नेते नंदकिशोर मुंदडा, भाजपचे तालुका अध्यक्ष भगवान केदार, राष्ट्रवादीचे नेते बालाजीतांदळे आणि रिपाइंचे गौतम बचुटे यांनी रस्त्यात थांबून पोलीस दवाखाना व रुग्णवाहिकेशी संपर्क साधला. जखमींना रुग्णवाहिका चालक मकरंद घुले यांच्या मदतीने आणि एका खाजगी कार चालकाने जखमींना स्वतःच्या वाहनातून रुग्णालयात हलविले. जखमींची त्यांची प्रकृती गंभीर असून त्यांना केज येथील उपजिल्हा रूग्णालयात प्रथमोपचार करून पुढील उपचारासाठी स्वामी रामानंद तिर्थ ग्रामीण रुग्णालय अंबाजोगाई येथे हलविले आहे..
