असा हा अपघात ; भरधाव कार गेली पुलाखाली

प्रतिनिधी । परवेज पटेल 

अंबाजोगाईत एक अपघाताची घटना समोर आली आहे. शहरातील ‘स्वाराती’ रुग्णालय ते मोरेवाडी रस्त्यावर एक भरधाव कार थेट पुलाखाली उलटली आहे. कारचालकाचे कारवरील नियंत्रण सुटल्याने ही अपघाताची घटना आज दिनांक ३१ ऑक्टोबर रोजी दुपारी ४ वाजण्याच्या सुमारास घडली आहे. अपघाताची घटना घडताच आजूबाजूच्या नागरिकांनी सतर्कता दाखवत सदरिल कारमधील दोघांना अधिक उपचारासाठी ‘स्वाराती’ रुग्णालयात दाखल केले आहे. सदरिल कार ही पुण्याची असून अपघातात जखमी झालेले हे अंबाजोगाई येथील रहिवासी आहेत. कारमधील जखमींची नावं संतोष तावरे आणि दयानंद वाघमारे अशी आहेत. दिपावली सणानिमित्त हे दोघेही आपल्या अंबाजोगाई या गावी आले होते. जखमींवर ‘स्वाराती’ रुग्णालयात अधिक उपचार करण्यात येत आहेत, अशी माहिती सूत्रांकडून मिळाली आहे