साळेगाव येथे अज्ञात वाहनाच्या धडकेत काळविटाचा मृत्यू

केज तालुक्यातील साळेगाव येथे अज्ञात वाहनाच्या धडकेने काळविटाचा मृत्यू झाला आहे.

वादळ वार्ता वार्तांकन – महादेव काळे

या बाबतची माहिती अशी की, दि.२३ जुलै शनिवार रोजी दुपारी ३:०० च्या दरम्यान केज-कळंब रोडवर साळेगाव येथील गांजी पाटी जवळील शंकर विद्यालया पासून जवळ असलेल्या मराठा खानावळी जवळ एका अज्ञात वाहनाने रस्ता ओलांडीत असलेल्या एका काळविटाला धडक दिली.

धडक देऊन ते अज्ञात वाहन पसार झाले. अपघातात हरिणाचा जागीच मृत्यू झाला.

घटनेची माहिती वन विभाग आणि सहाय्यक पोलीस निरीक्षक शंकर वाघमोडे यांना मिळताच पोलीस नाईक चंद्रकांत काळकुटे आणि इंगोले हे अपघातस्थळी दाखल झाले. तसेच उपविभागीय वन अधिकारी कंद, वनपरिक्षेत्र धारूरचे चिकटे आणि वनपाल शंकर वरवडे यांच्या आदेशा वरून वनकर्मचारी शाम गायसमुद्रे, विलास मुंडे व जीवन गोके यांनी घटनास्थळी उपस्थित झाले.

ते मृत हरिणाचा मृतदेह सरकारी वाहनाने घेऊन गेले. दरम्यान घडताच साळेगाव येथील पत्रकार जय जोगदंड, अक्षय वरपे, सादेक शेख, इम्रान शेख यांनी जखमी हरिणास पाणी पाजून त्याचा जीव वाचविण्याचा प्रयत्न केला. परंतु त्यात त्यांना अपयश आले.