चालत्या ट्रक मधून एक लाखाच्या कपड्याची चोरी

गौतम बचुटे/केज 

गुजरात राज्यातून केज मार्गे हैद्राबादकडे जात असताना कोरेगाव पाटी जवळ चालत्या टेम्पो मधून अज्ञात इसमाने ताडपत्री फाडून आतील एक लाख रु. चे तयार कपड्याचे बॉक्स चोरट्याने पळविले आहेत.

या बाबतची माहिती अशी की, लातूर जिल्ह्यातील विक्रम कमलाकर कांबळे हे आयशर टेम्पो क्र (एम एच-२४/ए यू-९४४१) दि. २२ ऑगस्ट रोजी सायंकाळी ६:०० वा. सुमारास गुजरात राज्यातील वापी येथुन तयार कपड्या बॉक्स भरुन हैद्राबादकडे जात होते.

दि. २५ ऑगस्ट रोजी पहाटे ५:०० वा. सुमारास ते व सोबत क्लिनर म्हणून असलेला सतीश देशमाने हे केज मार्गे हैद्राबादकडे जात असतांना कोरेगाव पाटीच्या जवळुन त्यांची गाडी पुढे टोल नाक्याजवळ आली असता. त्या वेळी सकाळी ६:०० वाज च्या सुमारास त्यांच्या पाठी मागुन आलेला एक ट्रक त्यांना ओव्हरटेक करुन जात असतांना त्या ट्रक ड्रायव्हरने सांगीतले की, एक अनोळखी व्यक्ती ट्रक मधील बॉक्स खाली टाकीत आहे. त्या नंतर त्याने गाडी थांबवली तोपर्यंत गाडीतील चोरी करणारा इसम तेथुन पळुन गेला. त्या ट्रक मधील १ लाख रु. चे तयार शर्ट व पँट चे बॉक्स चोरीला गेले आहेत दरम्यान विक्रम कांबळे यांच्या तक्रारी वरून केज पोलीस ठाण्यात अज्ञात चोरट्या विरुद्ध गु. र. नं. ४५९/२०२४ भा. न्या. सं. ३०३ (२) गुन्हा दाखल करण्यात आला आहे.

पोलीस निरीक्षक प्रशांत महाजन यांच्या मार्गदर्शनाखाली सहाय्यक पोलीस निरीक्षक सुरेश बनसोडे हे करीत आहेत.