भरपावसात बजरंग सोनवणे यांच्या कार्यकर्त्यांची मंत्री धनंजय मुंडे यांच्या स्वागतासाठी अलोट गर्दी

वादळवार्ता – केज

महाराष्ट्राचे नवनिर्वाचित कॅबीनेट मंत्री ना.धनंजय मुंडे यांची राज्य मंत्रिमंडळात कॅबिनेट मंत्री म्हणून निवड झाल्यानंतर ते प्रथमच बीड जिल्ह्य़ाच्या दौर्‍यावर असताना केज तालुक्याचे नेते तथा येडेश्वरी साखर कारखान्याचे चेअरमन बजरंग सोनवणे यांच्या पवनसुत निवासस्थानी सत्काराचे आयोजन केले होते.

सदरील सत्कारच्या अनुशंगाने केज तालुक्यातील बजरंग बप्पा सोनवणे यांचे कार्यकर्ते तथा केज तालुक्यातील मतदार मोठ्या संख्येने भर पावसात उपस्थित होते.मंत्री धनजंय मुंडे यांचे ठिक ६ वाजता पदार्पण झाल्यानंतर त्यांचे जंगी स्वागत ढोल ताश्यांच्या गजरात तथा असंख्य कार्यकर्त्याच्या उपस्थितीत करण्यात आले. यावेळी बजरंग सोनवणे यांची प्रकृती ठिक नसतानाही केज तालुक्यातून आलेल्या कार्यकर्त्यांच्या भेटी घेतल्या.