पोलिसात भरती होताच मित्रांनी काढली घोड्यावरून मिरवणूक 

वादळवार्ता – गौतम बचुटे

केज तालुक्यातील साळेगांव येथील एका सामान्य कुटुंबातील युवकांची पोलीस भरतीत निवड होताच त्याच्या मित्रांनी डी जे च्या तालावर गावातून घोड्यावरून मिरवणूक काढली.

साळेगांव केज येथील उत्तरेश्वर राऊत हा मोलमजुरी कुटुंबातील असून त्याचे वडील मुके आहेत. अशा या गरीब कुटुंबातील उत्तरेश्वर राऊत याने प्रचंड मेहनत आणि अभ्यास करून परभणी पोलीस भरतीत यश संपादन केले आहे त्याच्या या यशा बद्दल केदारेश्वर प्रतिष्ठाण यांच्या वतीने त्यांचा सत्कार केला आणि गावातून त्याची डीजे च्या ठेक्यावर घोड्यावरून मिरवणूक काढली. यावेळी सरपंच कैलास जाधव, रावसाहेब बचुटे, सदस्य रमेश इंगळे, पोलीस जमादार राजू गुंजाळ व जोगदंड, संभाजी सरवदे, ज्योतिराम बचुटे, बालाजी बचुटे, शेख जावेद, बालाजी नन्नवरे, रवी इंगळे यांच्यासह ग्रामस्थ उपस्थित होते.