भरधाव वेगाने स्कुटीला धडक देऊन पळून जाणारी स्कॉर्पिओ दुकानाला धडकली

वादळवार्ता – गौतम बचुटे

दि. ३ जून रोजी रात्री ९:१५ वा. च्या सुमारास केज येथील पोलीस ठाण्या समोर पंचायत समितीतीच्या जवळ असलेल्या जनसेवा महा-ई-सेवा केंद्राला एक भरधाव वेगातील एका स्कॉर्पिओ गाडी क्र. (एम एच-०६/ ए झेड- २९११) रस्त्याच्या दुभाजकावर चढून धडक दिली. दरम्यान या गाडीने केज येथील बस स्टँडवर एका रस्त्याच्या कडेला उभ्या असलेल्या स्कुटीला धडक देऊन पळून जात होता.

गाडीचा चालक याने मद्यपान करून गाडी चालवीत होता तर त्याच्या सोबत एक महिलाही होती. अपघाताचा आवाज ऐकू येताच पोलीस कर्मचारी शिवाजी कागदे, मेहेत्रे आणि नितीन जाधव हे अपघातस्थळी बचावासाठी धावत आले. त्यांनी चालकाला ताब्यात घेतले आहे. सुदैवाने महा ई सेवा केंद्र बंद असल्याने अनर्थ टळला तर गाडीतील महिला आणि चालक हे सुद्धा सुखरूप आहेत.