50 फुटावरून 75 हजार रुपयांचा बैल पडला दरीत गरीब शेतकर्‍याचे अन् त्याच्या बैलाचे हाल.

वादळवार्ता वार्तांकन – अजय भांगे

शेतकरीराजाचा खरा जोडीदार त्याच्या शेतामध्ये राब राब राबणारा म्हणून बैलांची ओळख आहे . मोठ्या कष्टाने शेतकरी राजा बैलाची जोपासणी करतो त्याला चांगलं खाऊ घालतो त्याला मोठं करतो . त्याची देखभाल करतो. मात्र बैलावरती वेळ आल्यावर शेतकरी राजा देखील मागे नसतो.

सविस्तर वृत्त असे की धारूर तालुक्यातील काटेवाडी गावामध्ये शेतकरी बालासाहेब एकनाथ मुंडे यांच्या मालकी हक्काचा 75 हजार रुपयांचा बैल गावामध्येच असलेल्या एका खोल दरीमध्ये 30 अक्टोंबर रोजी सायं 5 वाजता पाय घसरून खालती पडला आहे.

उंचावरून पडल्यामुळे त्याच्या पाठीमागच्या पायाकडील भागांना मोठ्या प्रमाणात इजा झाल्यामुळे त्याला जागेवरून उठता येत नाही. त्याबरोबरच उंचावरून पडलेल्या मुळे त्याला वरती चढता येत नाही .

आशा परिस्थीती मध्ये शेतकरी आपल्या कुटुबाला घेऊन बैलासोबात रात्रभर जागता पाहारा दिला मात्र स्थानिक प्रशासनाच्या वतीने कोणीही शेतकर्‍याची मदत करण्यासाठी पुढे आले नाही .

शेतकरी राजा ईकडे तिकडे पळत त्याने स्थानिकचे पशुवैद्यकीय डॉक्टर यांना बैल ज्या ठिकाणी आहे त्याच ठिकाणी नेऊन बैलाचा विलाज करत आहेत.

शेतकरी राजाचा जोडीदार दरीमध्ये अडकुन पडला आहे येईल का कोणी बळीराजाच्या जोडीदारास वाचवण्या करिता ? मदत करण्याचे शेतकर्‍याचे आवाहन केले आहे.