केज । प्रतिनिधी
केज तालुक्यातील युवा प्रतिभेला व्यासपीठ मिळावे आणि ग्रामीण खेळाडूंना राज्य पातळीवर चमकण्याची संधी मिळावी या हेतूने राजमुद्रा ग्रुप, केज यांच्या वतीने ‘आडसकर चषक राज्यस्तरीय क्रिकेट स्पर्धा’ आयोजित करण्यात आली आहे. या स्पर्धेचे उद्घाटन नुकतेच मोठ्या उत्साहात आणि जल्लोषात पार पडले.
उद्घाटन समारंभात कार्यक्रमाचे उद्घाटक म्हणून गेवराई विधानसभेचे आमदार विजयसिंहराजे पंडित हे होते , तर प्रमुख पाहुणे म्हणून राष्ट्रवादीचे ज्येष्ठ नेते रमेशराव आडसकर तसेच अन्य प्रमुख पाहुण्यांनीही उपस्थिती लावली. स्पर्धेत महाराष्ट्रातील विविध जिल्ह्यांमधून एकूण ३७ संघ सहभागी झाले असून, ही स्पर्धा ७ दिवस चालणार आहे. सामन्यांसाठी अत्याधुनिक व्यवस्था, अंपायर्सची योग्य निवड आणि प्रेक्षकांसाठी उत्तम सुविधा करण्यात आल्या आहेत.आडसकर चषक विजेत्या संघासाठी रोख पारितोषिक २ लाख ९२१ रुपये उपविजेत्यास १ लाख ९२१ रुपये तर तृतीय संघास ५० हजार ९२१ रुपये व चौथ्यास्थानी येणाऱ्या संघास ३० हजार ९२१ रुपये, तर पाचव्या स्यांनी येणाऱ्या संघास प्रत्येकी २९ हजार ९२१ रुपये तसेच सन्मानचिन्ह आणि ट्रॉफीचे वितरण केले जाणार आहे. या उपक्रमामुळे राज्यभरातील युवा खेळाडूंमध्ये नवीन ऊर्जा आणि प्रेरणा निर्माण झाली आहे.
या स्पर्धेच्या आयोजनाबद्दल राजमुद्रा ग्रुपचे संस्थापक अध्यक्ष सर्वेसर्वा अमर पाटील याचे सर्वत्र कौतुक होत असून, केज तालुक्याला खेळाच्या क्षेत्रात वेगळी ओळख मिळवून देण्याचा संकल्प त्यांनी केला आहे.
नमस्कार, वादळ वार्ता परिवारामध्ये आपले स्वागत. वादळ वार्ता च्या माध्यमातून सर्व वाचकांना विश्वसनीय व तत्पर बातम्या देण्याचा आमचा प्रयत्न आहे. प्रत्येक मताशी संपादक सहमत असेलच असे नाही. आपणही आपल्या परिसरातील बातम्यांसाठी व जाहिरातीसाठी 9422660077 या नंबरवर व्हाट्सएप तसेच कॉल करून संपर्क करू शकता......धन्यवाद....!
error: Content is protected !!
