वादळवार्ता – दुःखद वार्ता
केज शहरातील सामाजीक तथा राजकीय कार्यात सक्रीयपणे , निर्भिडपने काम करणारे तसेच पप्पु आण्णा या नावाने शहरात परिचित असलेल्या व्यक्तिमत्त्वाचा आज केज – बीड रोडवर झालेल्या अपघातात दुर्दैवी निधन झाले आहे.
पप्पू इनामदार हे बीडकडे जात असताना त्यांची गाडी मस्साजोग जवळ पलटी झाली अन त्यातच त्यांचा मृत्यू झाल्याची प्राथमिक माहिती असून अपघात नेमका कसा झाला हे अद्याप स्पष्ट झालेले नाही.अपघात झाल्यानंतर तात्काळ त्यांना केजच्या उपजिल्हा रुग्णालयात उपचारासाठी दाखल करण्यात आले होते. परंतु उपचारापूर्वीच त्यांचे निधन झाल्याचे सांगण्यात आले.
दरम्यान, पप्पू इनामदार हे मागच्या अनेक वर्षांपासून राजकीय व सामाजिक क्षेत्रात कार्यरत आहेत. तर त्यांच्या पत्नी सध्या केज नगरपंचायत मध्ये नगरसेविका म्हणून काम पाहत आहेत. तर सदरील अपघातात अन्य एकजण जखमी झाल्याचे सांगण्यात येत आहे.
