उमरी रस्ता नाही ओ ! अंदोलन रस्ता म्हणा !
वादळवार्ता वार्तांकन – अजय भांगे
केज शहराला कोणत्याच नेत्यानी विकासाच्या दृष्टीकोणातून पाहिले नाही केज शहराला प्रस्थापित नेत्यानी विकासाच्या द्रष्टीकोणातुन पाहिले असते तर केज शहर विकासाने, समृद्धीने झळाळले असते.
आजपर्यंत केज शहराचा विकास जर झाला असेल तर तो फक्त आबडधोबड राष्ट्रीय महामार्गाचा अन्यथा कोणत्याही प्रकारचा पर्यटन करता यावे असा विकास झाला नाही. अशीच एक उमरी रस्त्याच्या अविकासाची मालीका फार पुर्वीपासुनची आहे.
केज तालुक्यामध्ये वा केज शहरामध्ये रस्त्यासाठी अनेकवेळा अंदोलन झालेला हा पहिलाच रस्ता उमरी रस्ता असेल म्हणुन
केज शहरामधुन जाणाऱ्या उमरी रस्त्याचे नामकरण करूण अंदोलन रस्ता असेच ठेवावे लागेल.
सामाजीक कार्यकर्ते भोसले सर यांनी या रस्त्यासाठी अनेक सामाजीक कार्य करणारे सामाजीक कार्यकर्ते यासह स्थानिक रहिवाशी घेऊन विविध अंदोलने केली. मात्र या उमरी रस्त्याकडे ना आमदाराचे लक्ष , ना खासदाराचे लक्ष , ना स्थानिक नगरपंचायत प्रशासनाचे लक्ष.
आता उमरी ( अंदोलन रस्ता ) शेवटची घटीका मोजत आहे , त्याला खोल खोल खड्डे पडलेत, त्याला सुंदर बनवणारे डांबर दिसत नाही , तो व्याकुळ दुःखी झालाय की कोणी शेतकरी , वृद्ध , विद्यार्थी , तरुण , तरुणी खड्यात पडेल व त्याला त्याचा जीव गमावावा लागेल. म्हणुन तो वाट पाहतोय नव्या अंदोलनाची वा विकास करणाऱ्या लोकप्रतिनिधींची.
