एस टी बसची स्टेअरिंग धरून प्रवाशाने केली चालका सोबत अरेरावी !

वादळवार्ता – गौतम बचुटे

एसटी बस गावात का घेत नाहीत आणि गाडी काय तुमची आहे काय असे म्हणीत चालक व वाहकासोबत अरेरावी करून एसटी बस चे स्टेअरिंग धरून अडथळा केल्याची घटना घडली आहे .

दि. १२ ऑगस्ट केज ते वरपगाव ही धारूर आगाराच्या एस टी बस क्र. (एम एच-२०/बी एल-०७८९) वरपगाव गाडी दुपारी २:३० वा. वरपगाव येथे पोहोचली त्यावेळी याच गाडीने केज ते वरपगाव या गाडीने प्रवास करीत असलेला प्रवाशी संतोष दगडू बनसोडे हा चालक भिमराव किसन शिंदेआणि वाहक परमेश्वर भिमराव मुंडे यांना म्हणाला की, ही गाडी गावात का घेऊन जात नाहीत गाडी काय तुमची आहे काय ? असे म्हणून त्याने गाडी वळवीत असताना ड्रायव्हर केबिन मध्ये जाऊन गाडीची स्टॅरींग हाताने धरली आणि अडथळा केला. चालक आणि वाहकाने त्याला गावात रस्ता नसल्याने गाडी गावात जाऊ शकत नसल्याचे समजावून सांगितले परंतु तो ऐकत नव्हता.

चालक भिमराव किसन शिंदे यांच्या तक्रारी वरून केज पोलीस ठाण्यात संतोष दगडू बनसोडे याच्या विरुद्ध गुन्हा दाखल करण्यात आला असून पोलीस जमादार बाबासाहेब बांगर हे पुढील तपास करीत आहेत.