ट्रॅक्टरसाठी विवाहितेचा छळ : नवरा व सासू सासऱ्यासह पाच जणांवर गुन्हा दाखल

वादळवार्ता वार्तांकन – गौतम बचुटे

केज तालुक्यातील एका विवाहितेचा तिच्या सासरी धारूर तालुक्यात ट्रॅक्टर घेण्यासाठी माहेरहून पैसे घेऊन ये; म्हणून शारीरिक व मानसिक छळ केल्या प्रकरणी तिच्या सासरच्या लोकां विरुद्ध गुन्हा दाखल झाला आहे.

केज तालुक्यातील केज येथील चित्रकला लखन भालेराव वय (३० वर्ष) हिला तिच्या सासरी चोरंबा ता. धारुर येथे सासरच्या लोकांनी ती चांगली वागत नाही असे म्हणून चारित्र्यावर संशय घेऊन तिला मारहाण केली. तसेच तिचा शारीरिक व मानसिक छळ करून जीवे मारण्याची धमकी दिली आणि ट्रॅक्टर घेण्यासाठी माहेरहून दोन लाख रु. घेवुन ये म्हणून तिला घराबाहेर काढले. अशा तक्रारी वरून चित्रकला भालेराव हिच्या तक्रारी वरून तिचा नवरा लखन शेषराव भालेराव, सासू आशाबाई शेषराव भालेराव, सासरा शेषेराव मसाजी भालेराव आणि मसाजी शेषेराव भालेराव, विशाल शेषेराव भालेराव सर्व रा. चोरंबा ता. धारुर यांच्या विरुद्ध गु. र. नं. ४४३/२०२२ भा. दं. वि. ४९८(अ), ३२३, ५०४, ५०६ आणि ३४ प्रमाणे गुन्हा दाखल करण्यात आला आहे. याचा पुढील तपास पोलीस जमादार जसवंत शेप हे करीत आहेत.