केज तालुक्यातील शिंदी येथे घरातील कपाट फोडून ७१ हजाराचे दागिन्याची चोरी

वादळवार्ता वार्तांकन – गौतम बचुटे

केज तालुक्यातील शिंदी येथे घरात प्रवेश करून कपाट उघडून त्यातील दागिने चोरीला गेल्याची घटना घडली आहे.

या बाबतची माहिती अशी की, शिंदी ता. केज येथे अरुण अनुरथ जाधव हे पुण्याला गेल्याची संधी साधून त्यांच्या घरात चोरट्याने प्रवेश केला. घरातील लोखंडी रॉडने कपाटाचा दरवाजा उचकटून ड्रॉव्हर मधील मंगळसूत्र, बोरमाळ, झुमके, नथ, अंगठी, पत्ता चैन असे ७१ हजार रु. चे सोन्याचे दागिन्यांची चोरी झाली आहे.

या प्रकरणी अरुण जाधव यांच्या फिर्यादी वरून केज पोलीस ठाण्यात गु र नं ३९३/२०२२ भा दं वि ४५४ आणि ३८० नुसार गुन्हा दाखल झाला आहे. सहाय्यक पोलीस निरीक्षक शंकर वाघमोडे यांच्या मार्गदर्शनाखाली उमेश आघाव हर पुढील तपास करीत आहेत