स्वातंत्र्याचा अमृतमहोत्सव साजरा होण्याअगोदरच केज पंचायत समितीचा बोर्ड निखळला.

अधिकारी , कर्मचारी किती दक्ष आहेत याचे जिवंत उदाहरण.

वादळवार्ता वार्तांकन – शाहेद खतीब

काही दिवसांपूर्वीच जिल्ह्याचे मुख्यकार्यकारी अधिकारी यांनी केज पंचायत समितीच्या कार्यालयात स्वातंत्र्याचा अमृत महोत्सव साजरा करण्यासाठी मोठा कार्यक्रम घेतला होता.

यावेळी पंचायत समिती कार्यालय बँनरने आणि फुग्यांनी फुलवत वृक्ष रोपणाचाही कार्यक्रम मुख्यकार्यकारी अधिकारी यांच्या हस्ते घेण्यात आला होता.

मात्र कार्यक्रम होवून अगदी आठवडाही उलटला नाही तोच पंचायत समितीच्या आवारातील पंचेवीस वर्षे जुनी झाडे विना परवानगी बुडापासून तोडण्यात आले तर मुख्यकार्यकारी अधिकारी यांच्या अगमनानिम्मित पंचायत समितीच्या कमानीवर लावण्यात आलेले डिजीटल बँनर ज्यावर कार्यालयाचे पंचायत समिती कार्यालय असे नाव आणि घरोघरी तिरंगा उपक्रम अशा आशायाचे फलक लावण्यात आले आहेत.

मात्र सध्या तालुक्यात पाऊस सुरु असल्याने या पावसामुळे म्हणा अथवा वाऱ्यामुळे म्हणा सदरिल बँनर निखळून खाली लटकत आहे.

याकडे मात्र पंचायत समितीचे अधिकारी , कर्मचारी यांचे दुर्लक्ष झालेले असुन या उपक्रमाचा अवमान तर झालेला नाही ना ? या घटनेवरून या कार्यालयाचे अधिकारी, कर्मचारी किती दक्ष आहेत.हे जिवंत उदाहरण आज पहावयास मिळत आहे. या सर्व गोष्टीकडे नागरीक कुतूहलाने पाहत आहेत .