फुटपात नुसत्या नावाला; राष्ट्रीय महामार्गालगत अतिक्रमणामुळे रोडवरती नागरीकांचा वावर!

केज । प्रतिनिधी

राष्ट्रीय महामार्गालगतच्या फुटपाथवर वाढत्या अतिक्रमणामुळे पादचाऱ्यांचे हाल होत आहेत. दुकानांचे अनधिकृत विस्तार, फेरीवाल्यांची गर्दी आणि अवैध पार्किंग यामुळे पादचाऱ्यांना रस्त्यावरून चालण्याची वेळ येत आहे. परिणामी, अपघातांचा धोका वाढला असून नागरिकांकडून नाराजी व्यक्त केली जात आहे.

अतिक्रमणाचा विळखा

शहरालगतच्या राष्ट्रीय महामार्गावर मोठ्या प्रमाणात अतिक्रमण झाले आहे. फुटपाथवर अनधिकृत गाड्यांची पार्किंग, टपऱ्या, हातगाड्या आणि दुकानदारांनी व्यापलेली जागा यामुळे पादचाऱ्यांसाठी जागा उरलेली नाही. पादचारी मार्ग मोकळे न राहिल्याने लोकांना थेट महामार्गावरून जावे लागते, जे अत्यंत धोकादायक ठरत आहे.

अपघात आणि वाहतूककोंडीचा वाढता धोका

रस्त्यावर पादचाऱ्यांचा वावर वाढल्याने वाहतुकीस अडथळा निर्माण होत आहे. विशेषतः गर्दीच्या वेळी आणि रात्रीच्या वेळी वाहनचालक व पादचारी यांच्यातील समन्वयाचा अभाव अपघातांना निमंत्रण देतो. काही दिवसांपूर्वीच एका दुचाकीस्वाराला रस्त्यावर अचानक आलेल्या पादचाऱ्यामुळे अपघात झाला होता.

नागरिक आणि प्रवाशांची संतप्त प्रतिक्रिया

फुटपाथ मोकळे करण्याच्या मागणीसाठी स्थानिक रहिवाशांनी प्रशासनाकडे अनेक वेळा तक्रारी केल्या, मात्र ठोस कारवाई होत नसल्याची नागरिकांची तक्रार आहे. “फुटपाथ हे चालण्यासाठी असतात, पण आता ते दुकानदार आणि विक्रेत्यांनी व्यापले आहेत. आम्ही नेहमीच धोका पत्करून रस्त्यावरून चालतो,” असे एका स्थानिक रहिवाशाने सांगितले.

प्रशासनाची उदासीनता ?

संबंधित विभागांनी अतिक्रमण हटवण्यासाठी मोठा फौज-फाटा घेऊन लाखो रुपये खर्चुन अतिक्रमण काढले खरे मात्र पुढाऱ्यांच्या व अधिकार्यांच्या कृपेमुळे काही दिवसांतच परिस्थिती जैसे थे झाली.आता हे अतिक्रमण परत पक्के होत असताना प्रशासन याकडे मात्र डोळेझाक करत आसतना दिसत आहे . यावर प्रशासनाने कडक कारवाई करून अतिक्रमण काढावे आणी फुटपाथ रिकामे करावे जेणे करुन वाहतुकीची कोंडी व सर्वसामान्य नागरीकांना दिलासा मिळेल . मात्र प्रशासन झोपेतुन जागे होईल तेव्हाचं हे शक्य आहे असे सर्वसामान्यातून बोलले जात आहे .