केज येथून तीस वर्षांचा तरुण बेपत्ता

वादळवार्ता/गौतम बचुटे

केज येथून एक तीस वर्षीय तरुण बेपत्ता झाला आहे. केज शहरातील समर्थ नगर येथे राहत असलेला अविनाश लक्ष्मण मस्के वय ३० वर्षे हा दि. १६ सप्टेंबर पासुन त्याच्या राहत्या घरातून बेपत्ता झाला आहे. बेपत्ता तरुण अविनाश मस्के याचा रंग गोरा असून उंची साडेपाच फूट आहे. त्याचा चेहरा लांबट, मध्यम बांधा अंगात निळी जिन्स व टी शर्ट असा त्याचा वेश आहे.

या बाबत त्याच्या वडिलांच्या फिर्यादी वरून केज पोलीस ठाण्यात तो बेपत्ता असल्याची तक्रार नोंद करण्यात आली असून त्याचा तपास सहाय्यक पोलीस उपनिरिक्षक रोडे हे करीत आहेत.  बेपत्ता तरुणा बाबत माहिती मिळाल्यास पोलिसांना संपर्क करण्याचे आवाहन सपोउनि रोडे यांनी केले आहे.