बैल पोळ्याच्या पूर्वसंध्येला पंकज कुमावत यांची मोठी कारवाई

वादळवार्ता वार्तांकन – गौतम बचुटे

साळेगाव येथील आठवडी बाजारातून कत्तल खान्याकडे घेऊन जात असलेल्या जनावरांचा टेम्पो हा सहाय्यक पोलीस अधीक्षक पंकज कुमावत यांच्या पथकाने पकडून त्यातील १७ जनावरांची सुटका केली आहे.

या बाबतची माहिती अशी की, दि.२५ ऑगस्ट गुरुवार रोजी सहाय्यक पोलीस अधीक्षक पंकज कुमावत यांना गुप्त बातमी मिळाली की, परळी येथील व्यापारी यांनी साळेगावच्या आठवडी बाजारातून आयशर टेम्पो क्र. (एम एच-०४/एफ जे-९६४१) मध्ये लहान-मोठे १७ जनावरे भरून कत्तल करण्यासाठी केज मार्गे परळी येथे घेऊन जात आहेत.

अशी माहिती मिळाल्यावर सदरची माहिती त्यांच्या पथकातील पोलिस अंमलदार यांना देऊन सदर वाहनावर व जनावरे मालकावर कायदेशीर कारवाई करण्याचे आदेश दिले. पंकज कुमावत यांच्या पथकातील पथकातील सहाय्यक पोलीस उपनिरीक्षक मुकुंद ढाकणे, पोलीस जमादार बालाजी दराडे, पोलीस जमादार बाबासाहेब बांगर आणि रामहरी भंडाने यांनी सदरचे वाहन ६:३० वाजता कळंब चौक केज येथे पकडून वाहन चालकास नाव-गाव विचारले असता त्याने त्याचे नाव अमजद सत्तार तांबोळी रा. केज व जोडीदार गौतम मनोहर कांबळे रा. परळी असे सांगितले. अमजद तांबोळी व चालक यांना ताब्यात घेऊन त्यांची ताब्यातील आयशर टेम्पोची पाहणी करता टेम्पोमध्ये लहान मोठे १७ गोऱ्हे व जनावरे मिळून आली. या बाबत त्यांना सदरची जनावर कोठून व कोणाचे सांगण्या वरून भरले? असे विचारले असता त्यांनी सांगितले की, परळी येथील व्यापारी जुबेर कुरेशी, मोहसीन कुरेशी, सोमनाथ ताटे यांच्या सांगण्या वरून साळेगाव येथील आठवडी बाजारातून भरून ते परळी येथे घेऊन जात आहोत. असे सांगितले. सदर वाहनातील जनावरांची एकूण किमत ही अंदाजे २ लाख ६५ हजार रुपये आणि आयशर टेम्पो अंदाजे ३ लाख रुपये असे एकण ५ लाख ६५ हजार रुपयांचा मुद्देमाल माल जप्त करून ५ आरोपी विरुद्ध पोलीस ठाणे केज येथे गुन्हा दाखल केला आहे. सदरची कारवाई ही जिल्हा पोलिस अधीक्षक नंदकुमार ठाकूर, अप्पर पोलीस अधीक्षक श्रीमती कविता नेरकर-पवार आणि सहाय्यक पोलीस अधीक्षक पंकज कुमावत यांच्या मार्गदर्शनाखाली करण्यात आली

दरम्यान ऐन बैल पोळ्याच्या सणाच्या पूर्व संध्येलाच सहाय्यक पोलीस अधीक्षक पंकज कुमावत यांनी १७ बैलांची कसायच्या तावडीतून मुक्या प्राण्यांची सुटका केली आहे. केज पोलीस ठाण्यात सदर प्रकरणी गुन्हा नोंद करण्याची प्रक्रिया सुरू आहे.