बेलगाव येथे विहिरीत पडून महिलेचा मृत्यू

वादळवार्ता वार्तांकन – गौतम बचुटे

माहेरी आलेल्या २९ वर्षीय महिलेचा पाय घसरून विहिरीत पडल्याने पाण्यात बुडून मृत्यू झाल्याची घटना बेलगाव ता. केज येथे सोमवारी दुपारी घडली असून रात्री उशिरा उशिरा मृतदेह विहिरीच्या पाण्या बाहेर काढण्यात आला.

उस्मानाबाद जिल्ह्यातील सारूळ ता. वाशी येथील अंजली उर्फ ठकुबाई ज्ञानदेव दराडे वय (२९ वर्ष) ही महिला काही दिवसां पूर्वी बेलगाव ता. केज येथे माहेरी आली होती.

सोमवारी दुपारी ४.३० वाजेच्या पूर्वी ती बेलगाव शिवारातील पाटील ग्रुपच्या सार्वजनिक विहिरीत पाय घसरून पडल्याने पाण्यात तिचा मृत्यू झाला.

या घटनेची माहिती मिळताच पोलीस उपनिरीक्षक वैभव सारंग, बिट जमादार राजू गुंजाळ, पोलीस नाईक चंद्रकांत काळकुटे यांनी घटनास्थळी धाव घेतली. रात्री उशिरा गळाच्या मदतीने मृतदेह विहिरीतून बाहेर काढण्यात आला.

केज येथील उपजिल्हा रुग्णालयात शवविच्छेदन करण्यात आले. या महिलेस दोन मुले आहेत.