केज नगरपंचायतीच्या स्वच्छतेचा कारभार चव्हाट्यावर ; दुर्गंधीमुळे त्रस्त नागरीक नाक दाबुन लागले पळु

वादळवार्ता – केज

केज नगरपंचायचा स्वच्छता विभाग नेमका केज शहरातील कोणती सच्छता करतो आहे याचा ताळमेळ ना केज शहरातील नागरीकांना आहे ना मुख्याधिकारी श्री. गायकवाड यांना मात्र स्वच्छतेच्या नावाखाली दर महिन्याला लाखो रुपयांचे बिले उचलले जातात हे तितकेच खरे…

याबाबत सविस्तर वृत्त असे कि केज- कळंब रस्त्यावर पाठीमागील सहा दिवसांपासून कळंब रस्त्यावर असणार्‍या ऑईल मिलच्या समोर एक कुत्रा मरून पडला आहे. तो त्याच जागेवर सडत आहे. मात्र त्याची दुर्गंधी आस-पास रहणार्‍या तथा रस्त्यावरून ये-जा करणार्‍या वृद्ध तथा विद्यार्थी तसेच सकाळच्या सत्रात फिरायला , व्यायामासाठी येणार्‍यांना होत आहे. सदरील जागेवरून जात- येत असताना नागरीकांना, विद्यार्थ्यांना तसेच वयोवृद्धाना नाक दाबुन पळ काढावा लागत आहे.घाई गडबडीत पळावे लागत असल्यामुळे नागरीकांची चांगलीच दमछाक होत असुन. सहा दिवसांन पासुन सडत आसलेल्या कुत्र्याकडे मात्र केज नगरपंचायतीच्या स्वच्छता विभागाने दुर्लक्ष केले असल्यामुळे दुर्गंधी त्रस्त झालेले नागरिक मात्र नाक दाबुन बेजार झाले आहेत. यामुळे केज नगरपंचायतीच्या स्वच्छता विभागाचा प्रश्न चव्हाट्यावर आलेला दिसून येत आहे.त्यामुळे केज नगरपंचायतचे मुख्य अधिकारी श्री गायकवाड स्वच्छता विभागाकडे लक्ष देतील का ? झोपी गेलेल्या कर्मचाऱ्यांना जागी करतील का आदि प्रश्न नागरिकांनमध्ये होत आहेत .