माळेगाव येथे कृषिदिन संपन्न

वादळवार्ता – केज

कृषि विभाग तालुका कृषि अधिकारी केज यांच्या वतीने दि 25जून ते 1जुलै या कालावधीत कृषि संजीवनी सप्ताह आयोजन करण्यात आले होते . त्या सप्ताहाची सांगता माळेगाव येथे कृषि दिन घेऊन करण्यात आली.

यावेळी कृषि अधिकारी सागर पठाडे   म्हणाले कै.वसंतराव नाईक यांनी त्यावेळची मर्यादित साधने आणि प्रतिकूल परिस्थितीचा सामना करुन राज्यात कृषीक्रांती घडवून आणली. ते हाडाचे शेतकरी होते. ‘शेती आणि शेतकरी’ हे त्यांच्या जिव्हाळ्याचे. अभ्यासाचे विषय राहिले. शेतीला आधुनिक स्वरुप देण्यासाठी त्यांनी सातत्याने प्रयत्न केले . नवीन नवीन शेती मध्ये प्रयोग करून महाराष्ट्र अन्नधान्याच्या बाबत स्वयंमपूर्ण केला. महाराष्ट्र रोजगार हमी योजना सुरु केली शेतकरी कुटुंबामध्ये जन्म घेऊन कै वसंतराव नाईक हे मुख्यमंत्री झाले.शेती क्षेत्रात त्यांनी केलेल्या काम हे खूप मोलाचे असल्याने 1जुलै हा कृषिदिन म्हणून साजरा करण्यात येतो. उपस्थित शेतकरी यांना शेती ही व्यवसाय म्हणून करावी विविध कृषि विभागाच्या योजनाचा लाभ घ्यावा याबद्दल मार्गदर्शन केले.सोयाबीन पिकातील कीड व रोग,सोयाबीन मध्ये सध्या आढळून येणाऱ्या गोगलगाय नियंत्रण यासाठी सकाळी लवकर शेतामध्ये गोगलगाय दिसून येतात त्या वेचून मिठाच्या पाण्यात टाकणे. गोणपाट गुळाच्या द्रावणा मध्ये बुडवून बांधावर ठेवल्यास त्या खाली गोगलगाय जमा होतात त्या गोळा करणे. खोलवर सतत कोळपनी करणे याबाबत डॉ प्रदीप सांगळे शात्रज्ञ के व्ही के डिघोळआंबा यांनी मार्गदर्शन केले. यावेळी महिला गटातील महिला शेतकरी यांना पौस्टिक तृणधान्य बाजरी मिनिकिट, व तूर बियाणे मिनीकिट वाटप करण्यात आले कार्यक्रमास सागर पठाडे तालुका कृषि अधिकारी केज, डॉ प्रदीप सांगळे, नागेश येवले मंडळ कृषि अधिकारी युसुफ वडगाव,योगेश पाटील बीटीएम आत्मा, कृषि सहाय्यक माळेगाव कमलाकर राऊत,शेतकरी शरद दोडके, बळीराम लोकरे, दीपक दोडके, युसूफवडगाव मंडळातील सर्व कृषि सहाय्यक,कृषि पर्यवेक्षक, कृषि भूषण गटातील शेतकरी उपस्थित होते