ट्रॅक्टर घातला बांधावर म्हणून दगड मारला पायावर !

वादळवार्ता – गौतम बचुटे

नांगरणी करीत असताना बांधावरून ट्रॅक्टर गेले म्हणून शेजारच्या शेतकऱ्याने दगडाने मारहाण केली आहे.

विक्रम बळीराम चाळक हे दि. २३ फेब्रुवारी रोजी रात्री ११:०० वा. च्या सुमारास त्यांच्या लव्हुरी ता. केज येथील शिवारातील सर्व्हे नंबर १६७ मध्ये सचिन बळीराम चाळक यांच्या ट्रॅक्टरने नांगरणी करीत होते. त्यावेळी त्यांच्या शेता शेजारी शेत असलेले नारायण शंकर चाळक याने शेत नांगरीत असलेल्या ट्रॅक्टरवर दगड फेक केली. त्याला दगड का मारतोस? असे विचारीत असतांना त्याच्या शेताच्या बांधाने ट्रॅक्टर का घेवुन गेलात ? असे म्हणुन त्याने दगड फेकुन मारण्यास सुरूवात केली. यात विक्रम चाळक यांच्या कोपरावर व पायावर दगड लागला आहे.

या प्रकरणी विक्रम चाळक यांच्या तक्रारी वरून दि. २४ फेब्रुवारी रोजी केज पोलीस ठाण्यात गु. र. न. १०५/ २०२३ भा. दं. वि. ३२४, ३२३, ३३६, ५०४, ५०६ नुसार नारायण चाळक याच्या विरुद्ध गुन्हा दाखल करण्यात आला आहे.

पोलीस निरीक्षक बाळासाहेब पवार यांच्या मार्गदर्शनाखाली रुकमानंद घोलप हे पुढील तपास करीत आहेत.